صوت الشعب بيهدر هدر.. ثورة ثورة حتى النصر.. لا للظلم ولا للقهر.. ويبشر بطلوع الفجر.. إحنا ثوار التحرير.. ثورة من أجل التغيير.. شعلة نار وعزم ونور.. ضد الظلم والتزوير.. يا ثوار يا ثوار.. ثورتنا نور من بعد النار.. ثورتنا تبنى وتحمى الدار.. ثورتنا أمن واستقرار.. بكرة نهزم البطالة..
نلغى الفقر ونزيد العمالة.. نصلح خرابة ونشيل زبالة.. وتبقى مصر فى أحسن حالة.. نبنى المصانع جنب المصانع.. ونرجع المجد اللى ضايع.. ونشجع كل بانى وزارع.. ونصدر للدنيا بضايع.. يا ساسة ويا نواب.. مش عاوزين صراع أحزاب..
عاوزين وحدة تسد الباب.. وتفتح للعمل أبواب.. إيد محمد فى إيد حنا.. بكرة بلدنا تعود جنة.. ونصلح من أحوالنا.. ونحقق كل آمالنا.. يا جيشنا يا حامى حمانا.. تحرس حدودنا وسمانا.. إحنا معاك وأنت معانا.. نشعر بفضلك بأمانا.. يا شهداءنا إحنا معاكم.. إنتوا سبقتوا واحنا وراكم.. ولا ننسى أبداً ذكراكم.. ونمشى دايماً فى خطاكم.. يا سايح إنت فى عنينا.. إنتم ضيوفنا وأهالينا.. نفرشلكم رملة وزينة.. داحنا عرب كرام يا اخوانا.. إحنا أحفاد الفراعنة.. والمجد ده كله بتاعنا.. نحميه بروحنا ودراعنا.. واللى يمسه يروعنا
الأحد فبراير 13, 2011 8:54 am
