شباب ٢٥ يناير، أطلقوا عددا من الحملات تحت شعار «خلى بلدك أجمل بيك»، تهدف إلى إعادة بناء مصر من جديد، بعد تحقيق مطالبهم بتنحى الرئيس مبارك عن الحكم، ووجه الشباب دعوة على موقع «فيس بوك» بعنوان: «كلنا إيد واحدة للمصريين» قالوا فيها: من النهاردة دى بلدك إنت، ماترميش زبالة، ماتكسرش إشارة،
ماتدفعش رشوة، ماتزورش ورقة، اشتكى أى جهة تقصّر فى شغلها.. ماتسمحش لظابط يعذب مصرى زيك» اوعى تصنع «مبارك» تانى.. استمتع بحياتك.. اقرا وثقف نفسك.. حب نفسك وحب الناس وحب الناس اللى حواليك.. اوعى تعاكس بنات فى الشارع.. اوعى تهين حد.. اوعى تسخر من حد.. اوعى تنسى حريتك أبدا.. خلى بلدك أجمل بيك».
وتحت شعار «أنا مصرى» بدأت مجموعة أخرى الدعوة إلى نبذ الفتنة والعنصرية على أساس الدين والجنس، وأكدت: «أنا مصرى أعمل بجهد وبإخلاص.. لا أتكاسل، ولا أتمارض.. أنا أصنع وأنتج، لا أجلس وأشاهد. أنا أشارك وأغير.
الأحد فبراير 13, 2011 8:50 am
